ایشیق بولاقی
ای آخان ایل لرله بیرایشیق کیمی
حیاتین معناسی سنده گورونور
آخدیقجا هرزادا جان باغیشلیرسان
چیچکه چمنه هر یان بورونور
دوغروسو سن بیزه آب حیات سان
جنت دن آخان بیر چشمه سن تات سان
سنین قدرتین دن چورسون باغلاری
دائم چیچک له نیب بلکه نجات سان
خالیق متعال اوز رحمتینی
سنین آخماقین لا گوستریر بیزه
آخیرسان آق چایا آرازا ساری
نهایت توکولورسن خزر دنیزه
سنین تاریخینی هئچ کیمسه بیلمیر
حیات باشلاناندان جوشور داشیرسان
منت سیز دویورورسان بوتون جانلاری
دایانمیرسان بیر آن گئدیر آشیرسان
یاخیندان اوزاقدان گله ن قوناقلار
باشینا ییغیشییر دینجه لیر هاردا
یایین ایستی سینده یای چیلله سینده
یورقون مسافیرلر جان تاپیر اوردا
قیشدا دا وار سنین گوزه ل بیر صفان
آغ پالتار گئییرسن بیر گلین کیمی
سمایا باش چکیب اوجا داغلارین
قره تپه دئییم یا سه ورین کیمی
جویز باغلاریمیز سنه باغلی دی
بوستان باخچامیزدا سندن تاغلی دی
تکجه بولاق دئسک ظولم دی سنه
بولاق سان ایشیق سان جانلارسان یئنه
چورسون داماریندا آخان قیزیل قان
شبهه سیز خیال سیز سن سن هر آندا
دایانما آماندی جان وئر یوردوما
بلکه شان شوهرتین آرتسین بوندان دا
تبریز1388/08/16
عباسقلی طاهری چورسی
تاسف و تسلیت بمناسبت در گذشت آقای حاج منصور انوری
سان , ,سنین ,بیر ,جان ,دی ,عباسقلی طاهری ,طاهری چورسی , ایشیق ,قره تپه ,تپه دئییم ,عباسقلی طاهری چورسی
درباره این سایت